Burðarbitar

Burðarbitar

Það hefur dágóður tími farið í alls konar föndur við burðarbita í húsinu. Við fundum fúna bita innan í vegg sem við tókum, og svo vantaði aðeins meiri burð undir loftið.

Við fjarlægðum nefnilega nánast alla veggi á efri hæðinni og þó þeir hafi allir verið léttir þá veittu þeir einhvern stuðning undir loftið.

En fyrst að fúnu bitunum. Af stigapallinum og inn í borðstofu var veggur með litlu hurðargati. Til að reyna að nýta plássið sem best varð sá veggur að fara. Það var smá (mikið) vesen þar sem rafmagnstaflan var á þeim vegg. En rafvirkinn okkar, snillingurinn hann Kristján, leysti þetta fyrir okkur.

 Fyrir allar breytingar - Mynd frá Fjárfesting fasteignasala

Fyrir allar breytingar - Mynd frá Fjárfesting fasteignasala

 Búið að berstrípa

Búið að berstrípa

 Veggurinn rifinn

Veggurinn rifinn

2016-11-23-20.49.29.jpg
2016-12-04-11.35.34.jpg

Einu sinni var útidyrahurðin þarna. Þegar húsið var bara ein hæð var gengið inn þarna á hliðinni svo væntanlega hefur hurðin verið eitthvað óþétt eða vatn lekið inn með öðrum hætti, en inni í veggnum voru fúnir burðarbitar og gólfborðin í þessum enda voru líka fúin. Allt var þurrt, enda var þetta síðast útidyrahurð fyrir um 80 árum.

 Fúi í bitum og gólfborðum

Fúi í bitum og gólfborðum

Photo-04-12-2016,-12.20.41.jpg

Bitunum var skipt út fyrir nýja, og fúnu gólfborðunum líka. Þegar þessi vinna átti sér stað vorum við ekki búin að ákveða að fara í vinnu á öllu gólfinu, svo það þarf að rífa upp nýju gólfborðin aftur til að einangra undir, þegar þar að kemur.

Photo-11-12-2016,-11.07.44.jpg
Photo-07-01-2017,-18.29.57.jpg

Til að koma fyrir tenglum og rofum sem voru í veggnum áður, lokuðum við hluta af honum aftur. Til þess notuðum við panel sem var í gamla veggnum. 

2017-03-09-17.17.33.jpg
 Þessir litir...

Þessir litir...

Til að auka stuðning við loftið settum við síðan burðarbita þar sem veggirnir voru áður.

2017-04-13-15.11.46.jpg
 Skábitar styðja undir

Skábitar styðja undir

2017-10-25-17.02.36.jpg
 Gamall biti og nýr

Gamall biti og nýr

2017-10-25-17.02.56.jpg

Það á eftir að ganga frá þeim endanlega, sem og pússa og hefla aðeins til. Svo verða þeir olíubornir en planið er að dekkja þá svolítið.

Lífið

Lífið

Gólfið

Gólfið